Дистәләгән кеше төзелештә алданып, йортсыз калган

Йортлы булам дип ярык тагарак янында калганнар. Дистәләгән кеше төзелештә алданган, аларга салынган зыян күләме 200 миллион сумнан артык. Акчасыз һәм өйсез калган гаиләләр гаделлек эзли.

Алар арасында ЛНРның Рубежное шәһәреннән Татарстанга күченеп килгән гаилә дә бар. Йорт салдырырга дип төзүче компания белән килешү төзегәннәр. Нәтиҗәдә, бурычка батканнар.

Кайберәүләр инде узган ел ук, ә кайберләре быел яңа өйгә күчәргә тиеш була. Тик буш вәгьдәләрдән башка берни дә юк. Хокук сакчылары җинаять эше кузгаткан. Тикшерү бара. Ә зыян күрүчеләр акчаны кире кайтарырга өметләнә. Тулырак - Илдар Сафиуллин.