Таксида кем эшләр? Мигрантларның эшчәнлеген тыю белән йөрү бәясе дә артачакмы?

Кайбер өлкәләрдә мигрантларның эшчәнлеген тыю - нинди үзгәрешләргә китерер? Бу көннәрдә халык шул турыда фикер алыша. Аеруча такси базарын нәрсә көтә?

Хәзер бу өлкәдә чит ил кешеләре күп эшли. Узган ел яңа федераль закон нигезендә, такси машиналарының төсе үзгәргән иде, пассажирларның гомерен иминиятләштерү, рейска чыкканчы медицина тикшеренүе узу таләпләре кертелде.

Шул вакытта, таксига бәя күтәрелде. Хәзер мигрантлар бу эштән киткәч, кадрлар кытлыгы артмасмы? Фикерләрне Алия Сабирова тыңлады.