Лаеш үсә: Мәктәп, балалар бакчаларында урын җитми, юллар төзү калыша, кадрлар кытлыгы

Казанның иярчене санала торган Лаеш районы - бүген актив үсештә. Соңгы 6 елда халкы 30 мең кешегә арткан. 

Бу мәсьәлә үзеннән-үзе социаль учреждениеләр төзү ихтыяҗын көн кадагына чыгара. Мәктәп, балалар бакчаларында урын җитми, юллар төзү калыша. Мәгариф, сәламәтлек саклау тармакларында - кадрлар кытлыгы. Район халкының өчтән бер өлеше көн саен Казанга йөреп эшли. Лаешның үсеше мәсьәләләрен бүген район сессиясендә карадылар. Гөлназ Сәйфетдинова репортажы.