Казанда экологик чистарту ике айлыгы башланды

Бүгеннән Казанда экологик чистарту ике айлыгы башланды. Һәм ул гадәти өмә уздыруга гына кайтып калмый. Ә күләмле һәм киң колачлы кампания булачак.

Урамнарны, елга үзәннәрен чүптән арындырырга, хәрбиләрнең каберләрен тәртипкә китерергә җыеналар. Шулай ук Кызыл китапка кертелгән балабан лачыннар санын арттыру буенча да чаралар күреләчәк. "Экологик иминлек" илкүләм проекты буенча республикага 3 миллиард сум акча бүлеп бирелгән. Аның зур өлешен "Россия сулыклары" проектына юнәлтәчәкләр. Теманы Нәфисә Миңәҗева дәвам итә.