Татарстанда камералар руль артында телефоннан сөйләшүчеләрне терки башлады

Татарстанда март аеннан башлап камералар рульдә барганда телефоннан сөйләшүче машина йөртүчеләрне терки башлады. Смартфонга игътибарны юнәлтү - юл -транспорт һәлакәтендә төп сәбәпләрнең берсе.

Шундый хокук бозулар өчен беркетмәләр республикада инде меңнән артык кешегә карата төзелгән.

Бүген хәбәрчебез - Нәфисә Минәҗева татарстанлыларның иминлек кагыйдәләрен санга сукмавын үз күзләре белән күрде. Ул башкала урамнарында машина йөртүчеләрне күзәтте.