Казанда узган Халыкара икътисади форумга нәтиҗә ясадылар

Бүген Казанда узган Халыкара икътисади форумга нәтиҗә ясадылар. Өч көндә делегатлар һәм кунаклар 163 килешү имзалаган, 1 тоннага якын туңдырма ашаган һәм ярты тонна чәк-чәк татып караган.

Узган атнада Казанга 99 дәүләт вәкиле килгән иде. Бу - Җир шарындагы барлык илләрнең яртысына тиң сан. Кайберләре - Казанны шулкадәр ошаткан ки, хәтта самолет билетларын 20нче майга кадәр озайтып алыштыручылар булган.

Килешүләр нигезендә бездә нинди проектлар тормышка ашырылачак? Рүзәл Шәрипов репортажы.