Казанда батырлар истәлеген 40 мең шәм белән яңарттылар

Төнлә казанлылар һәм яшьләр Җиңү паркында 40 мең шәм кабызды. Алар сугышта һәлак булган солдатлар истәлегенә яна. 800 кеше ясаган утлы картинада - Брест кирмәнен саклауда катнашкан якташыбыз, Советлар Союзы Герое - Пётр Гавриловның сурәте ясала.

Бу акция «Сугышның утлы сурәтләре» дип атала. Ул илнең барлык зур шәһәрләрендә оештырылды. Шушында ук, паркта Казан студентлары батыр-шагыйрь Муса Җәлилгә багышланган хәрби-патриотик мюзикл күрсәтте. Сиринә Васильева репортажы.