Сабада яңа газ пункты: Олы Ныртыда 200 йортка зәңгәр ягулык

Кичә Рөстәм Минеханов эш сәфәре белән Саба районына барды. Биредә берьюлы берничә авыл халкы өчен әһәмиятле вакыйга булды - Олы Нырты авылында яңа газ үткәрү пункты кулланылышка тапшырылды.

Ул өстәмә рәвештә 200 йортны зәңгәр ягулык белән тәэмин итү мөмкинлеген булдыра. Шушы пункттан авылдагы социаль объектларга да җылылык биреләчәк.

Хәзер Татарстан - газлаштыру буенча илдә алдынгылар рәтендә. Әлеге программа авыл халкы тормышын ничек үзгәртә? Рүзәл Шәрипов репортажы.