Яр Чаллы — Сарман трассасында көчле яңгырдан соң убылган җирне төзекләндерәләр

Кичә Яр Чаллы - Сарман трассасын төзекләндерә башладылар. Монда җомга көнне көчле яңгыр вакытында юлның бер өлеше җимерелеп, асфальт убылган иде.

Машина юлы уртасында берничә метр тирәнлектәге чокыр хасил булды. Автомобильләр төшеп китмәсен өчен аны 8нче августка кадәр яптылар. Шушы көнгә кадәр нигезен ныгытып, аккан су торбаларын алыштырырга җыеналар. Чаллы-Сарман юлы - Республикадагы машина күп йөри торган трассаларның берсе. Аннан тәүлегенә 2 900 машина уза. Сәгатенә 125 дигән сүз. Эш барышы - безнең репортажда.