Коену сезонының яртысы узган, ә 19 районда су керү өчен урыннар әзерләнмәгән

Кичә Алабуга районындагы Нократ елгасында 51 яшьлек ир-ат батып үлгән. Ул кичә югалган була, фаҗиганең төп сәбәбе - иминлек таләпләрен үтәмәү.

Казанда Гадәттән тыш хәлләрне кисәтү буенча Республика комиссиясе утырышы узды. Анда фаҗигаләрне булдырмый калу хакында сөйләштеләр. Коену сезонының яртысы узган, ә 19 районда су керү өчен урыннар әзерләнмәгән. Дүрт районда - ачабыз дигән комлыкларны һаман да эшләтмиләр.

 Нәтиҗәдә ел башыннан Татарстан елга-күлләрендә 31 кеше бата. Кече суднолар, көймәләрдә йөргәндә килеп чыккан фаҗигаләрнең саны арткан. Сәбәпләре нидә? Инзилә Хөсәенова репортажы.