Җәйнең соңгы көнендә Татарстанда урыны белән кырау төшәргә мөмкин

Җәйнең соңгы көнендә Татарстанда алмашынучан болытлы һава торышы көтелә. Урыны белән бераз яңгыр явачак, ә төнлә кырау төшү ихтималы бар. Төнлә һәм иртән кайбер районнарда томан барлыкка киләчәк, дип хәбәр итә ТР Гидрометеорология үзәге.

Төнлә явым-төшемнәр көтелми. Җил көньяктан һәм көньяк-көнбатыштан исәчәк, көндез аның тизлеге секундына 13 метрга кадәр җитәчәк. Төнлә һава температурасы 0…+5 градуска кадәр төшәчәк, аерым районнарда -1 градуска кадәр кырау төшәргә мөмкин. Көндез һава +17…+22 градуска кадәр җылыначак.

Казанда да алмашынучан болытлы һава торышы булачак. Төнлә явым-төшемнәр көтелми, көндез бераз яңгыр яварга мөмкин. Төнлә һава температурасы +5…+7 градус, түбән урыннарда +3…+5 градус булачак. Көндез термометр баганалары +18…+20 градус күрсәтәчәк.

Фото: сгенерировано ИИ