Республикада ел башыннан сөрем газына агуланып 10 кеше үлгән

Берәүләр ишек ачмый, икенчеләр - урамдагы газ торбаларын янкормалар белән каплый. Кышка керер алдыннан белгечләр газ җиһазларын тикшерүне дәвам итә. Төп максат - аларның төзеклеген тәэмин итү.

Ә халык иминлек кагыйдәләрен үтәргә тиеш. Сөрем газы белән агулануның быелгы аяныч статистикасын - Хөкүмәт йортында узган шимбә киңәшмәсендә атаганнар иде. Ел башыннан республикада 10 кеше үлгән. Мондый фаҗигаләр кабатланмасын өчен - чарасын алдан күрергә кирәк, диләр. Тулырак Алия Сабирова.