Инсульт "яшәрә": Татарстан табиблары чаң суга

Татарстан табиблары чаң суга. Инсульт торган саен яшьләрне ешрак аяктан ега башлаган. Хәзер ул 35тән 50 яшькәчә пациентларда теркәлә.

Ел саен безнең Республикада 18 мең кешегә инсульт була. Аларның 15 проценты үлә, 20%ы - дәваланып кабат эшкә чыга, башкалары - инвалид кала. Инсульт бөтенләй көтелмәгән вакытта һәм урында бәрергә мөмкин. Хәтта йога белән шөгыльләнгәндә яисә урамда һава сулап йөргәндә. Шуңа да карамастан организм алданрак сигналлар җибәрә. Аларны ничек аңларга? Алия Сабирова репортажы.