Казанда Оренбург трактында юл хәрәкәте вакытлыча чикләнәчәк

Казанда Оренбург трактында юл хәрәкәте вакытлыча чикләнәчәк. Бу хакта шәһәр мэриясенең матбугат хезмәте хәбәр итә.

«Чикләүләр юлны капиталь төзекләндерү кысаларында юл уртасындагы аеру полосасын төзекләндерү сәбәпле кертелә», — диелә мәгълүматта.

29 октябрьдән 9 ноябрьгә кадәр Бертуган Батталовлар урамыннан Шамил Каратай урамына кадәрге юл участогында хәрәкәт чикләнәчәк.

Фото: ТНВ