Казан урамнарын роботлар чистартачак: бер техника 10 эшчене алыштыра

Быел Казандагы кар көртләрен урам җыештыручылар гына түгел, ә роботлар да көриячәк. Башкалада шундый 28 техника сатып алганнар. Бер машина 10 кешене алыштырырга мөмкин икән.

Тагын бер үзенчәлек - Казан ишегалларының берсендә тротуарны электр белән җылыта башлаганнар. Кар анда төшүгә үк эреп барачак. Бүген башкала мэриясендә хәл итәсе проблемаларны күтәрделәр. 900гә якын урам җыештыручы җитми, ишегалларында кар өю өчен урын юк, ә аны машина бн түккән өчен халыкның түлисе килми. Тулырак Инзилә Хөсәенова репортажында.