Казанда легендар җырчы Илһам Шакиров турында фильм әзерләнде

Казанда татар эстрадасы легендасы, «татар сандугачы» Илһам Шакировка багышланган өч серияле «Илһам» телефильмын төшерү тәмамланды.

Съемкалар сигез ай дәвам итте: проектта 70тән артык актер һәм 800ләп кеше массовкада катнашты. Илһам Шакиров ролен актер Марсель Мөсәвиров башкарды.

«Илһам» — ТНВ заказы буенча төшерелә торган өч серияле фильм. Ул легендар җырчының тууына 90 ел тулуга багышлана. Проектны «Ватан 21 век» кинокомпаниясе Марат Әхмәтов җитәкләгән Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәмендә гамәлгә ашыра.

Чараның мактаулы кунагы — Татарстан Республикасы Дәүләт Советы Рәисе вазифаларын башкаручы Марат Готыф улы Әхмәтов.



Бүген иҗат төркеме съемка процессының тәмамлануын традицион рәвештә тәлинкә вату белән билгеләп үтте.