Татарстанда коронавирустан тагын өч хатын-кыз һәм дүрт ир-ат вафат булган

Татарстан Сәламәтлек саклау министрлыгының яңартылган мәгълүматлары буенча, узган тәүлектә республикада коронавирустан тагын 7 кеше үлгән. Республикада пандемия башланганнан бирле COVID-19 вирусыннан 1255 кеше вафат булган.

49-72 яшьлек өч хатын-кыз, шулай ук 70тән 86 яшькә кадәрге дүрт ир-ат коронавирусның яңа корбаны булган.

Ведомствода билгеләп үткәнчә, татарстанлыларның үлем сәбәпләре патологоанатомик экспертиза барышында расланган.

Узган тәүлектә коронавирус 242 татарстанлыда ачыкланган иде.

Фото: pixabay.com