Казанда Мулланур Вахитов урамы буенча транспорт хәрәкәте вакытлыча чикләнә

Бүгеннән Казанда Мулланур Вахитов урамында транспорт хәрәкәте чикләнә. Тиешле боерыкка шәһәр Башкарма комитетында кул куелды, дип хәбәр итә Казан мэриясе матбугат хезмәте.

20 декабрьгә кадәр Зур Крыловка урамы белән кисешкән урында җирле юл һәм тротуар тулысынча ябылган. Участокта магистраль җылы үткәргеч реконструкцияләнә.

Шулай ук Татарстан башкаласында Нариманов урамы участогында хәрәкәт вакытлыча чикләнәчәк. Бу газ белән тәэмин итү эшләрен башкару белән бәйле.