Казанда Наил Дунаев белән хушлаштылар - видео

Бүген Камал театры бинасына татар театры сәнгатен сөючеләр Татарстанның халык артисты Наил Дунаев белән хушлышырга җыелдылар.

Исегезгә төшерәбез, Наил Дунаев 30 октябрь вафат булды.

Дунаев Николай Иванович (Наил Дунай) 1937 елның 3 маенда Татарстанның Зәй районы Әхмәт авылында туа. 1961 елда Мәскәүдә Щепкин исемендәге Югары театр училищесын тәмамлый һәм Татар академия театрында эшли башлады. Күп кенә сәхнә образларыннан аның иҗади йөзенә хас булган ягымлы зыялылык бөркелә, берүк вакытта алар көчле кичерешләр һәм хисләргә тулы эчке киеренкелек, ышандыру көче белән сугарылган.

Якыннары һәм туганнарының кайгысын уртаклашабыз. Татар театры өчен зур югалту.