Казанда декабрьгә кадәр Горький шоссесы участогында хәрәкәт ябыла

Казанда Горький шоссесы участогында хәрәкәт тулысынча ябылачак. Бу автоюлны реконструкцияләү буенча әзерлек эшләре белән бәйле, дип хәбәр итә Казан мэриясе матбугат хезмәте.

30 майдан 1 декабрьгә кадәр Горький шоссесы буенча 160 нчы санлылы бина янында («Олимпиец» СК) хәрәкәт өлеше тулысынча ябылачак. Автотранспортның тоткарлыксыз йөрүе өчен җитештерү эшләре участогы буйлап — хәрәкәтнең ике ягына өчәр полоса оештырылачак.

Автомобильчеләрне вакытлыча куелган юл билгеләре таләпләрен үтәргә чакыралар.

Исегезгә төшерәбез, Восстание һәм Коләхмәтов урамнары буенча җәяүлеләр, шулай ук Васильченко урамы буенча автомобиль транспорты өчен хәрәкәт өлешчә чикләнәчәк.

Шулай ук Казанда Бондаренко урамы буенча хәрәкәт өлешчә чикләнәчәк.