Иң биек тауларга менүче Рөстәм Нәбиев тагын бер шатлыгы белән уртаклашты - видео

Дөнья буйлап иң югары нокталарга менгән блогер, җәмәгать эшлеклесе Рөстәм Нәбиев тагын бер хыялын чынга ашырган. Ул үзенең телеграм каналында яңа машина алуы турында хәбәр итә.

Машинасын ул Казаннан барып алган. "Бу – минем тормышымдагы үзем сатып алган иң кыйммәтле әйбер. Яңа машина алып, мин үз алдыма куйган тагын бер максатымны чынга ашырдым", - ди Рөстәм.

Исегезгә төшерәбез, 2015 елның 12 июлендә Омск шәһәрендә казарма җимерелеп, 24 солдат һәлак була, 19 кеше яралана. Башкортстан егете Рөстәм Нәбиев ул кичтә аякларын югалта.

Фото: https://t.me/rustamnabiev92