Лаеш районы имам-мөхтәсибе вафат

Бүген Лаеш районы имам-мөхтәсибе Рәүһәт хәзрәт Гатауллин вафат булды. Ул республикадагы иң олы мөхтәсибләрнең берсе булып саналган.

Мөфти Камил хәзрәт Сәмигуллин җитәкчелегендәге Татарстан Республикасы мөселманнары Диния нәзарәте коллективы, Татарстан имам-мөхтәсибләре һәм имамнары хөрмәтле хәзрәтнең якыннары һәм туганнарының тирән кайгысын уртаклаша, дип әйтелә Татарстан Республикасы мөселманнарының Диния нәзарәте сайтында.

Рәүхәт хәзрәтнең женазасы бүген өйлә намазыннан соң Лаеш районы Усад авылы мәчетендә уза.

Фото: dumrt.ru