Марат Яруллин үзен Ильмира Нәгыймовага өйләнә диючеләргә җавап кайтарды

Бу көннәрдә интернет киңлекләрендә Ильмира Нәгыймованың чәчәк бәйләмнәре һәм йөзек белән төшкән фотосы бик күп комментарийләнде. Күпләр Ильмираны коллегасы Марат Яруллин белән кавыштырды.

Бүген үзенең Телеграм каналында Марат комментарийларга аңлатма бирде.

МИННӘН БАШКА МИНЕ ӨЙЛӘДЕРДЕЛӘР

"Гастрольләрнең кызган чагы, ә мине инде интернетта өйләндерергә өлгергәннәр. Мин берникадәр вакыт читтән генә күзәттем һәм барысына да аңлатма бирергә булдым.

Рәсми рәвештә! Минем хәзер концертларым бара һәм башкага вакытым юк! Мин әле өйләнергә җыенмыйм, хәтта Нәгыймовага да (Илмира, гафу ит)", - дип язган җырчы.

Фото: t.me/YarullinMM