Бүген Рәис Хакимияте җитәкчесе Әсгат Әхмәт улы Сәфәровның юбилее

Рөстәм Миңнеханов - Рәис Хакимияте җитәкчесе Әсгат Сәфәровны юбилее белән котлады. Ул үз сәхифәләрендә аның белән Кремльдә төшкән фотосурәтен урнаштырган. Бүген Әсгат Әхмәтовичка - 65 яшь тулды.

 Ул нинди вазыйфада эшләвенә карамастан, аның бар тормыш юлы - туган Татарстаныннан аерылгысыз. Исеме Республика тарихына - оешкан җинаятьчел төркемнәрне юк итүче буларак язылган, ул беренче булып Татарстан Президентының сак хезмәтен оештырган һәм спорт командаларының казанышларында да аның өлеше бар.

Безнең телеканал бүген яңгыраган котлауларга кушыла һәм Әсгат Әхмәт улына - нык сәламәтлек, көч-куәт, республикага озак еллар хезмәт итүен теләп кала.