Бруцеллёз, пастереллёз, тилчә: Төбәкләрдәге хайван авырулары Татарстанны ничек сакланырга мәҗбүр итә? | Адымнар

Бу атнада Татарстан ветеринар контрольне көчәйтте. Юлда терлек төялгән машиналарны туктаталар, кибет-базарларга килә торган ит продукциясен ныклап тикшерәләр, Республиканың ветеринария идарәсе җитәкчелеге районнарда хуҗалык җитәкчеләре, мал-туар алыпсатарлар белән киңәшмәләр уздыра башлады.

Моның җитди сәбәбе бар. Илнең берничә төбәгендә хайваннар арасында төрле инфекцияләр тарала. Узган Республика киңәшмәсендә Рөстәм Миңнеханов - чирләрне Татарстанга кертмәү өчен чараларны көчәйтүне таләп итте.

 Эш шунда ки, безнең Республика мал-туарның баш саны буенча иң зур төбәкләрнең берсе. 800 меңнән артык мөгезле эре терлек исәпләнә. Моңарчы булган чирләр, әйтик, бруцеллез белән көрәш мисалларыннан күреп торабыз, инфекция эләгү - хуҗалык икътисадына бик кыйммәткә төшәргә мөмкин. Күрше Чувашиядә ачыкланган пастерёллез белән, башка төбәкләрдә авыл кешесенең тынычлыгын алган исемсез чирләр - безнең терлекчеләрнең көндәлек мәшәкатләрен ничек үзгәртте? Инзилә Хөсәенов репортажы.