Аллергия чоры чәчәк ата: сак булыгыз!

Аллергиядән интегүчеләр сак булыгыз! Каен серкә очыра башлады. Бу хакта табиблар кисәтә. Апрельнең соңгы ун көнендә ул үзен аеруча сиздертә.

Аннан күбрәк балалар интегә ди, табиблар. Соңгы елларда Татарстанда аллергия белән азапланучы сабыйлар саны 2 тапкыр диярлек арткан. Республикада инде зирек, чикләвек агачы бөреләнде. Күпләрнең шулай ук үсемлек серкәсенә дә аллергия. Хәзер дөньядагы һәр өченче кешедә бу чирнең билгеләре бар диләр. Аннан сакланып буламы? Язгы сезонны авырмыйча гына ничек үткәреп җибәрергә? Белгечләр киңәшен Эльмира Имамиева тыңлады.