Татарстанда ял көннәрендә һава +15 градуска кадәр җылыначак

Шимбә, 24 октябрьдә, Татарстанда алмашынучан болытлы һава торышы көтелә, явым-төшемнәр булмаячак. Көньяк-көнчыгыштан һәм көньяктан искән җилнең тизлеге секундына 4–9 метр тәшкил итәчәк.

Гидрометеорология үзәге фаразы буенча, алдагы төндә республикада һава температурасы 0…+5 градуска кадәр төшәчәк. Көнчыгыш һәм кайбер көньяк районнарда -1…-6 градуска кадәр салкын булачак. Көндез һава +10…+15 градуска кадәр җылыначак.

Шимбәгә каршы төндә Казанда термометр баганалары +3…+5 градус күрсәтәчәк. Түбән урыннарда һава температурасы 0…+2 градуска кадәр төшәчәк. Көндез шәһәрдә һава +11…+13 градуска кадәр җылыначак.

Фото: сгенерировано ИИ / ТНВ