28 декабрьдән Казан – Зөя шәһәр яны поезды үзгәртелгән расписание буенча йөриячәк

28 декабрьдән Казан – Зөя шәһәр яны поездының хәрәкәт графигы үзгәрәчәк. Бу техник сәбәпләр белән бәйле, дип хәбәр итә Казан мэриясе матбугат хезмәте.

Казан станциясеннән 6003 нче номерлы электричка 7 минутка иртәрәк – 11:18 сәгатьтә китәчәк. Зөя станциясенә состав гамәлдәге расписание буенча 12:39 сәгатьтә киләчәк.

Барлык маршрутлар буенча тулырак мәгълүмат белән шәһәр яны компаниясе сайтында, «Россия тимер юллары – пассажирларга» мобиль кушымтасында, кассаларда һәм тукталыш пунктларындагы мәгълүмат стендларында, шулай ук +7(800)550-53-93 (шалтыратулар тәүлек буе кабул ителә) телефоны аша танышырга мөмкин.

Фото: ТНВ