Казанда өлешчә мобилизация буенча чакырылучыларның якыннарына ярдәм дәвам итә

Казанда өлешчә мобилизация буенча чакырылучыларның якыннарына ярдәм дәвам итә. Башкалада гына шундый 500дән артык гаилә бар.

Аларның балалары мәктәп һәм бакчаларда ике тапкыр бушлай туклана. Транспортта, шулай ук, мәдәни һәм спорт үзәкләренә йөрү өчен махсус карталардан файдалана. Кичә махсус штаб утырышында өлешчә мобилизация буенча киткәннәрнең гаиләләренә ярдәмнең төрле булуын әйттеләр. Кемгәдер тәрәзә алыштыралар, ремонт ясыйлар, табибларга язылырга, эшкә урнаштырырга булышалар.

Ярдәм сорап башка төбәкләрдән дә шалтыратучылар бар. Штаб утырышыннан ТНВ хәбәрчесе Чулпан Касыймова.