14 гыйнварда Татарстанда -9 градуска кадәр җылыта

14 гыйнварда Татарстан җирлегендә явым-төшем көтелмәячәк. Көньяк-көнбатыштан исүче җил тизлеге 15-17 м/с җитәчәк.

ТР Гидрометеорология үзәге синоптиклары фаразлары буенча, республикада төнлә һава температурасы -12..-17 градуска кадәр төшәчәк. Көндез -9..-14 градуска кадәр күтәрелә.

Казанда төнлә термометр баганалары -13..-15 градус билгеләренә төшәчәк. Көндез һава температурасы -9..-11 градус булачак.

Атмосфера басымы сизелерлек үзгәрмәячәк. Юлларда бозлавык, игътибарлы йөрегез.

Фото: Ралинә Галиева