21 февральдә Татарстанда -19 градуска кадәр суытачак

Сишәмбе, 21 февральдә, Татарстанда урыны белән кар яварга мөмкин. Юлларда бозлавык саклана, игътибарлы йөрегез.

Синоптиклар киләсе төндә Татарстанда һава температурасы -10..-15 градуска кадәр төшәчәк, аязганда -19 градуска кадәр салкын булачак дип фаразлый. Көндез һава -4..-9 градуска кадәр җылыначак.

Казанда төнлә термометр баганалары -12..-14 градус билгесенә төшәчәк. Шәһәрдә көндез иң югары һава температурасы -6..-8 градус булачак.

Фото: chudo-prirody.com