Wi‑Fi кулланыгыз: Казан халкын элемтәдә чикләүләр турында кисәттеләр

Казан халкын 16 июньнән мобиль элемтәдә мөмкин булган өзеклекләр турында кисәттеләр. Бу хакта кәрәзле элемтә операторлары хәбәр итте.

Банк карталары белән түләү, банкоматлардан файдалану һәм геосервислар эшендә кыенлыклар булуы ихтимал. Шәһәр халкына Wi‑Fi кулланырга киңәш ителә.

Искәртеп узыйк, 17–19 июньдә Казанда Россия — АСЕАН саммиты узачак. Көтелгәнчә, Россия Президенты Владимир Путин берничә очрашу үткәрәчәк.

Фото: ТНВ